Mungesa e ujit të pijshëm në Malësinë e Madhe vijon të jetë shqetësim për banorët, të cilët, sipas Kristjan Mujajt, prej muajsh po përballen me furnizim të pamjaftueshëm ose mungesë të plotë të ujit.
Përmes një reagimi publik, Mujaj i është drejtuar Drejtorisë së Ujësjellësit dhe institucioneve përgjegjëse, duke kërkuar shpjegime për shkaqet e situatës dhe masat e marra për zgjidhjen e saj.
Ai ngre pikëpyetje mbi investimet e kryera në rrjetin e ujësjellësit, fondet e shpenzuara për mirëmbajtjen dhe përmirësimin e tij, si dhe afatin kur familjet do të kenë furnizim normal dhe të qëndrueshëm me ujë të pijshëm.
Sipas Mujajt, kjo situatë nuk mund të trajtohet më si një problem i përkohshëm, ndërsa thekson se banorët kanë të drejtë të informohen për arsyet e mungesës së ujit dhe për zgjidhjet që planifikojnë institucionet.
Ai u bën thirrje autoriteteve që të reagojnë publikisht, të sqarojnë përgjegjësitë dhe të paraqesin një plan konkret për normalizimin e furnizimit, duke theksuar se uji i pijshëm është një nevojë bazë dhe jo një privilegj për
qytetarët.
