Kalaja e Rozafës vijon të mbetet një nga destinacionet më të vizituara turistike në vend. Drejtoria Rajonale e Trashëgimisë Kulturore Shkodër ka bërë të ditur se gjatë periudhës 1 janar – 31 maj, monumenti i njohur historik ka mirëpritur gjithsej 62.748 vizitorë.
Sipas të dhënave zyrtare, vetëm gjatë muajit maj, numri i vizitorëve ka arritur në 29.475, duke shënuar një rritje të ndjeshme të fluksit turistik me afrimin e sezonit veror.
Institucioni e ka cilësuar këtë shifër si një tregues pozitiv për turizmin kulturor në Shkodër, ndërsa Kalaja e Rozafës vazhdon të mbetet një nga pikat më të preferuara për turistët vendas dhe të huaj.
