Mijëra qytetarë u mblodhën sot për të protestuar përpara Kryeministrisë, duke kërkuar dorëheqjen e Kryeministrit Edi Rama dhe shkarkimin e qeverisë aktuale.
Pas një serie fjalimesh para godinës qeveritare, protestuesit filluan marshimin nëpër rrugët kryesore të Tiranës, duke vazhduar kështu një traditë të krijuar gjatë 15 ditëve të fundit.
Gjatë marshimit, shqiptarët shprehën pakënaqësinë e tyre me thirrje të forta kundër qeverisë dhe liderëve politikë të vendit. Mes brohorive të tyre, dëgjoheshin vazhdimisht “Rama n’burg, Berisha n’burg”, “Ju erdhi fundi” dhe “Revolucion”, të cilat pasqyronin frustrimin e tyre ndaj klimës politike që po kalon vendi.
Organizatorët e protestës kanë njoftuar se aktivitetet do të vazhdojnë edhe në ditët e ardhshme, duke insistuar në kërkesën për largimin e qeverisë dhe mbajtjen e përgjegjësive politike nga ata në pushtet.
