Arqidioqeza Metropolitane Shkodër-Pult ka përcjellë urimin zyrtar të Imzot Giovanni Peragine me rastin e festës së Kurban Bajramit.
Në mesazhin e tij drejtuar Myftiut të Zonës së Shkodrës, Imam Muhamed Sytarit, si dhe gjithë besimtarëve myslimanë, Imzot Peragine thekson rëndësinë e besimit, sakrificës dhe solidaritetit njerëzor.
Ai shpreh urimet më të përzemërta për paqe, harmoni dhe mirësi në familje, duke vlerësuar traditën shqiptare të bashkëjetesës dhe respektit ndërfetar.
Në mesazhin e tij, Arqipeshkvi Metropolit i Shkodër-Pultit nënvizon se festa e Kurban Bajramit është një thirrje për dashuri ndaj tjetrit, kujdes për më të varfrit dhe forcim të lidhjeve njerëzore në një kohë kur bota ka më shumë nevojë për mirëkuptim dhe shpresë.
