Një qytetar që prej tre vitesh po përballet me kancerin iu bashkua protestës para Kryeministrisë, ku përcolli një mesazh të fortë kundër qeverisë.
Ai akuzoi qeverinë për gjendjen e sistemit shëndetësor dhe problemet e vendit. Sipas tij. në Shqipëri mungojnë zhvillimi dhe perspektiva, ndërsa vendi përballet me korrupsion dhe keqqeverisje.
Sipas tij Rama është turpi i godinës së Kryeministrisë, ndërsa u bëri thirrje qytetarëve të vazhdojnë protestat dhe të bashkohen në kauzën kundër qeverisë.
“Unë jam një qytetar që vuaj prej 3 vitesh nga kanceri. Do ta mund këtë sëmundje. Jo larg nesh, 2–3 km larg, është një krematorium i ndërtuar nga kjo qeveri.
Ai është turpi i kësaj godine. Në Onkologjik vdesin njerëz për ditë, aty varrosen njerëz për ditë.
Mesazhi i dytë është: ju, bij nënash, qofshi jetëgjatë në këtë kauzë.
Zoti e do që të mblidhemi çdo ditë e më shumë, sepse ky vend as nuk ka shkollë, as zhvillim. Ka vetëm hajdutëri e vjedhje, dhe fajtorja është kjo godinë. Kjo godinë duhet shembur! Mallkuar ata që i shërbejnë kësaj godine.”