Endri Zenelaj, ish-lojtari i ekipit kombëtar të Shqipërisë U19, ka rikthyer vëmendjen në Itali gjatë javëve të fundit pas një postimi të bërë në rrjetet sociale. Mesfushori nga Kopliku ka qenë i angazhuar me skuadrën e Martinas në Serinë D italiane, por tani i ka dhënë lamtumirën asaj në përfundim të sezonit.
Megjithatë, ai e ka të pamundur të konkurrojë në nivele më të larta të futbollit profesionist për shkak se ka status ekstrakomunitar si pasojë e pasaportës shqiptare që mban. Ai duhet të fitojë të drejtën për të luajtur në fushën e lojës, duke u ngjitur me një ekip të profesionistëve, në përputhje me rregullat e vendit.
“Kam punuar, stërvitur dhe sakrifikuar për shumë vite, me qëllim që të realizoj ëndrrën time si futbollist profesionist. Kam treguar aftësitë e mia në fushë, duke dhënë gjithmonë maksimumin çdo ditë. Megjithatë, pengesa më e madhe që kam sot nuk është ndonjë rival, as një dëmtim dhe as mungesa e përkushtimit. Ajo që më ndalon është kombësia,” shprehej Zenelaj në postimin e tij në rrjetet sociale.
Kjo mesazh, që ka goditur thellë, është shpërndarë gjerësisht në mediat italiane, duke theksuar një problematikë të vazhdueshme me të cilën përballen shumë futbollistë në kategori të ulëta çdo vit.
Nga Gazeta Shkodra Sport
