Konfuzioni i krijuar nga rregullorja e Federatës Shqiptare të Futbollit për renditjen përfundimtare të kampionatit është sqaruar tani në emisionin sportiv “SuperGoal”. Gazetarja Hygerta Sako bëri me dije se, përmes një komunikimi zyrtar nga sektori i garave në Federata Shqiptare e Futbollit, është konfirmuar se KF Vllaznia Shkodër renditet zyrtarisht në vendin e parë.
Sipas sqarimit të bërë nga FSHF, Vllaznia e mbyll kampionatin me 31 pikë në krye të renditjes, ndërsa KF Elbasani renditet në vendin e dytë, . Kjo i jep skuadrës shkodrane avantazhin e vendit të parë në “Final Four”, pavarësisht debatit dhe paqartësive që kishin lindur nga interpretimi i rregullores.
Burime të emisionit bëjnë të ditur se është dashur edhe një mbledhje në Federatë për të qartësuar situatën dhe për të vendosur renditjen përfundimtare, duke i dhënë fund polemikave të orëve të fundit.
