Fermeri nga Shkodra Ahmet Sulejmani gjatë një takimi me AZHBR për skemat e subvencioneve të bujqësisë, i revoltuar tha se po përballen me një sërë problemesh të mëdha.
Një shqetësim kryesor është mungesa e dokumentacionit të pronësisë që i penalizon ndjeshëm fermerët.
Fermeri Sulejmani deklaroi se fshatrat janë boshatisur nga emigrimi dhe se kanë mbetur vetëm të moshuar që nuk janë në gjendje t’i punojnë tokat sepse fëmijët e tyre kanë emigruar.
Po aq problem është edhe mungesa e tregut dhe çmimi i ulët duke bërë që prodhimet e tyre t’i hedhin në kanale për shkak të monopolit të importeve duke dëmtuar shumë fermerët vendas.
Fermeri shkodran kërkoi që Ministria e Bujqësisë dhe qeveria shqiptare të mendojnë për këto problematika.
