Përdoruesit e Facebook kanë raportuar një sërë vështirësish në funksionimin e platformës në minutat e fundit, duke u përballur me probleme në ngarkimin e përmbajtjes.
Raportet tregojnë se faqja hapet pa pengesa, por shfaq vetëm elementë gri të ngarkimit, duke mos lejuar shfaqjen e postimeve, faqeve, apo seksioneve të tjera të rrjetit social. Këto probleme janë evidentuar në të dyja platforma, si në versionin desktop ashtu edhe në aplikacionin mobil.
Derisa nuk ka pasur ende një përgjigje zyrtare nga Meta që shpjegon shkakun e kësaj situate, përdoruesit vazhdojnë të ndeshen me vështirësi në aksesimin e Facebook. Pritet që kompania të ofrojë një sqarim zyrtar nëse këto probleme do të vazhdojnë edhe në orët e ardhshme.
Gjithashtu, disa përdorues kanë përmendur se po hasin vështirësi dhe me Instagramin.
