Fotografitë e fundit që qarkullojnë paraqesin një kontrast të dukshëm midis gjendjes së mëparshme të Lumit të Currajve, i cili ndodhet në Njësinë Administrative Nikaj-Mërtur, dhe situatës aktuale pas ndërhyrjeve me fadroma në shtratin e lumit.
Pamjet nga periudha “para” ilustrojnë lumin me ujë të kristaltë, brigje natyrore, dhe peizazhe alpin të zonës, ndërsa ato “pas” tregojnë një shtrat lumi të prekur, i shoqëruar me grumbuj guri dhe gjurmë të dukshme të ndërhyrjeve.
Banorët e Nikaj-Mërturit kanë njoftuar për një protestë që do të realizohet të dielën, më 5 korrik, si një akt kundërshtimi ndaj këtyre punimeve, të cilat ata besojnë se po cënojnë një nga zonat më të bukura natyrore të Alpeve Shqiptare.
Ata kërkojnë ndalimin e këtyre aktiviteteve dhe mbrojtjen e Lumit të Currajve, ndërsa protesta pritet të organizohet në vendin e ndërhyrjeve. Kjo çështje ka shkaktuar shumë reagime në opinionin publik dhe pritet të mbetet në qendër të vëmendjes në ditët e ardhshme.
