Banorët e fshatrave të zonës naftëmbajtëse Patos-Marinzë e zhvendosën protestën e tyre përballë sheshit “Satelit 3”.
Ata e hapën me forcë portën duke hyrë brenda sheshit.
Prej kohësh kërkojnë respektimin e kontratës nga “Bankers Petrolium” për pagesën e qirasë së tokave.
Banorët thonë se nuk pranojnë përgjysmimin e qirasë dhe do ta vijojnë protestën deri në bllokimin e aktivitetit.
Gjatë këtyre javëve kur banorët janë në protestë janë takuar me përfaqësues të kompanisë por nuk kanë marrë një zgjidhje.
Përfaqësues të “Bankers Petrolium” këmbëngulin për firmosjen e kontratës së re me argumentin se ka rënie të fitimeve.
