Një zjarr i shpërthyer pranë godinës së Drejtorisë Arsimore në Fier ngriti në alarm zjarrfikësit dhe stafin drejtues të institucionit mbrëmjen e së martës. Megjithatë, u konstatua se situata ishte nën kontroll dhe flakët nuk arritën të përfshinin ndërtesën.
Kur forcat zjarrfikëse mbërritën në vendngjarje, zjarri tashmë ishte shuar plotësisht.
Hetimet e para treguan se një banuese e një shtëpie të pozicionuar pas godinës së Drejtorisë Arsimore kishte ndezur zjarr për të asgjësuar mbeturina bimore.
