Në malin e Krujës është riaktivizuar një vatër zjarri, duke e përkeqësuar gjendjen dhe duke rritur rrezikun nga përhapja e flakëve.
Sipas banorëve të zonës, situata është thelluar orët e fundit, ndërsa shqetësimi është shtuar për shkak të mundësisë që flakët të marrin përmasa më të mëdha.
Aktualisht, në terren ndodhen forcat zjarrfikëse të Krujës të cilat po përpiqen të kufizojnë përhapjen e zjarrit, ndërkohë që një helikopter vazhdon ndërhyrjen nga ajri duke hedhur ujë mbi zonën e prekur.
