Një incident i rrezikshëm është regjistruar në plazhin e Velipojës, ku një mjet lundrues tip Jet Ski ka thyer perimetrin e sigurisë, duke hyrë shumë pranë zonës së pushuesve dhe duke rrezikuar seriozisht jetën e tyre.
Pamjet e momentit janë filmuar nga qytetarët dhe janë publikuar në njw portali, duke shkaktuar reagime të shumta për mungesën e respektimit të rregullave të sigurisë në bregdet.
Pas denoncimit publik, shërbimet e Policisë Kufitare, Njësia Policore Detare dhe efektivët e Stacionit të Policisë Kufitare Velipojë kanë ndërhyrë menjëherë, duke identifikuar dhe shoqëruar drejtuesin e Jet Ski-t, shtetasin me iniciale R. Gj.
Autoritetet bëjnë me dije se mjeti lundrues është bllokuar, ndërsa drejtuesi do të ndëshkohet me masë administrative prej 100 mijë lekësh të rinj për shkeljen e perimetrit të sigurisë dhe rrezikimin e pushuesve në plazh.
Ngjarja rikthen edhe një herë në vëmendje problematikën e mjeteve lundruese që afrohen pranë vijës bregdetare, sidomos gjatë sezonit turistik, duke u kthyer në kërcënim për familjet dhe pushuesit që frekuentojnë plazhet.
Policia e Shtetit ka paralajmëruar kontrolle të shtuara në të gjithë vijën bregdetare dhe apelon për respektim rigoroz të rregullave të lundrimit dhe zonave të sigurisë.
Thyen perimetrin e sigurisë në Velipojë/ Gjobitet drejtuesi i jet ski-t
Publikuar me datë:
