Ura e Bardhajve në Bashkinë Shkodër po paraqet një rrezik të madh për banorët, pasi gjendja e saj është drejt shembjes. Kjo urë është lidhja kryesore që përdorin çdo ditë mijëra banorë për të lidhur fshatrat me qytetin e Shkodrës, por gërryerja nga lumi Kir dhe gropat e shumta në sipërfaqe po e bëjnë lëvizjen me mjete jashtëzakonisht të rrezikshme.
Banorët janë shprehur të shqetësuar dhe kërkojnë ndërhyrje të menjëhershme nga institucionet përgjegjëse, duke paralajmëruar rrezikun që mund të sjellë një fatkeqësi. Deri tani, autoritetet lokale janë mjaftuar vetëm me vëzhgime, pa ndërhyrje konkrete në terren, duke lënë mijëra njerëz në pasiguri dhe duke rritur tensionin në komunitet.
