Një grup studentësh ekselentë të degës së Juridikut në Universiteti i Shkodrës Luigj Gurakuqi kanë ndjekur sot nga afër një seancë plenare në Kuvendin e Shqipërisë.
Vizita studimore u zhvillua në kuadër të njohjes nga afër me funksionimin e institucioneve ligjvënëse dhe procesin parlamentar në vend.
Gjatë seancës, deputetja Marjana Koceku në fjalën e saj u shpreh se “shenjë shprese dhe besimi për të ardhmen” është angazhimi i të rinjve, duke theksuar se Shqipërisë i duhen qytetarë të mirë dhe të përgjegjshëm.
Sipas saj, përfshirja e studentëve në jetën institucionale është një hap i rëndësishëm drejt forcimit të demokracisë dhe rritjes së ndërgjegjësimit qytetar tek brezat e rinj.
