Partia ‘Shqipëria Bëhet’ e Adriatik Lapajt i ka kërkuar Komisionit Qëndror të Zgjedhjeve që t’i kompensojë qiranë për zyrat e partisë, në vlerën e 250 mijë lekë në muaj ose rreth 2500 euro.
Kërkesa vjen pasi Lapaj i ka bërë shkresë Bashkisë Tiranë për të gjetur zyra për partinë, por Bashkia ka bërë me dije se nuk disponojnë ambiente në pronësi të Bashkisë Tiranë, për t’ua vendosur në dispozicion.
Në këto kushte Lapaj kërkon nga KQZ që t’i kompensohet qiraja e zyrave aktuale, ku është vendosur infrastruktura e kësaj force politike.
