Sërish probleme në aksin kombëtar Librazhd-Përrenjas. Si pasojë e motit të keq, me rrebeshe shiu, ka pasur shembje dheu, që kanë përfunduar në rrugë.
Siç raportohet në këtë aks është krijuar një varg i gjatë automjetesh. Qindra makina kanë ngelur të bllokuara nga të dyja anët e rrugës.
Kujtojmë se pak kohë më parë në vendin e quajtur te “Kthesa e Dragostunjës” pësoi shembje masive, duke bllokuar për disa ditë dhe paralizuar qarkullimin e mjeteve në këtë aks.
