Këshilli Shqiptar i Medias ka reaguar pas sulmeve të Monika Kryemadhit ndaj gazetares Lindita Çela, duke i cilësuar ato si të papranueshme dhe të rrezikshme për lirinë e medias.
KSHM thekson se ky lloj komunikimi përbën një formë presioni ndaj gazetarëve dhe tentativë për të cënuar integritetin profesional të tyre.
Sipas Këshillit, sulmet e tilla synojnë të delegjitimojnë gazetarinë profesionale dhe të krijojnë klimë frike për ata që ushtrojnë këtë profesion.
Monika Kryemadhi ka përmendur publikisht gazetaren, duke e akuzuar se shkrimin e saj mbi aferën CEZ-DIA e kishte marrë nga Lulzim Basha.
Në një dalje televizive, Kryemadhi tha: “Historia e CEZ-DIA-s ka filluar nëpërmjet një shkrimi që është bërë nga Lindita Çela, të cilin e ka marrë nga Lulzim Basha si shkrim.”
Reagimi i KSHM
Këshilli Shqiptar i Medias shpreh shqetësim për sulmet nominale nga ish-deputetja e Kuvendit të Shqipërisë, znj Kryemadhi, kundër gazetares Lindita Çela.
Sulmet, akuzat dhe aludimet e pabazuara në fakte, sikurse dhe përpjekjet për të cënuar integritetin profesional të një gazetareje pa ofruar fakte, përbëjnë thjesht një presion ndaj gazetarëve dhe tentativë për të delegjitimuar gazetarinë profesionale, çka është i papranueshëm në një shoqëri demokratike.
KShM i bashkohet thirrjes së AGSh ndaj të gjithë aktorëve politikë e publikë që të tregojnë përmbajtje në gjuhën publike dhe të respektojnë rolin e medias si garant i informimit të publikut dhe llogaridhënies demokratike.
KShM rekomandon që shqetësimet për shkelje etike të zgjidhen përmes anikimimit pranë organeve të vetërregullimit, përkatësisht Aleancës së Mediave Etike (ku dhe media Shteg.org është anëtare) dhe Këshillit Shqiptar të Medias, përmes këtij linku: https://aleancaetike.media/ame/
