Emra të njohur nga bota e artit dhe medias po i bashkohen gjithnjë e më shumë qytetarëve dhe studentëve të mbledhur në shesh.
Mes turmës së protestuesve në Bulevardin “Dëshmorët e Kombit”, sot janë vërejtur këngëtarja Aurela Gaçe dhe moderatori Blendi Salaj.
Të dhënat nga vendngjarja i tregojnë këto dy figura të njohura pranë qytetarëve të tjerë, teksa marshojnë përgjatë aksit kryesor të Tiranës.
Prania e tyre në mesin e protestës vjen ndërkohë që grumbullimi po zhvillohet në një atmosferë të tensionuar dhe nën masa të shtuara të sigurisë, duke dëshmuar mbështetjen që personalitetet e jetës publike dhe kulturore po i japin kësaj lëvizjeje.
