Protesta e studentëve është shtrirë në disa institucione dhe në disa nga rrugët kryesore të kryeqytetit. Fillimisht, grumbullimi nisi përpara Ministrisë së Arsimit, për të vijuar më pas pranë Bashkisë së Tiranës.
Një incident është shënuar edhe te “Pazari i Ri”, ku është ndezur zjarr. Gjatë manifestimit kanë ndodhur përplasje mes studentëve dhe policisë, ndërsa forcat e rendit kanë vijuar me shoqërimin e disa protestuesve.
Policia ka formuar kordonë në disa pika të qytetit, me synimin për të shpërndarë turmat e protestuesve.
