Vllaznia e mbyll sezonin e rregullt me fitore dhe në krye të renditjes, por skema e FSHF-së e lë sërish pas Elbasanit në “Final Four”.
Kuqeblutë triumfuan 2-0 ndaj Flamurtarit, ndërsa paralelisht Elbasani u mposht nga Tirana. Një kombinim rezultatesh që bëri që Vllaznia ta mbyllë kampionatin me më shumë pikë totale, por jo edhe në vendin e parë zyrtar të renditjes për fazën finale.
Sipas formulës së vendosur nga Federata Shqiptare e Futbollit, pas përgjysmimit të pikëve në “Final Four”, si Vllaznia ashtu edhe Elbasani nisin me nga 31 pikë. Vllaznia ka 63 pike por fale formules, piket teke nuk njihen dhe ato nga 63, bien ne 62 dhe pergjysmohen ne 31.Megjithatë, për shkak të avantazhit në ndeshjet direkte, Elbasani renditet i pari, ndërsa Vllaznia e dyta.
