Flamurtari ka rrëmbyer Superkupën e Shqipërisë në basketboll për femra, pasi ka triumfuar me rezultatin 94-74 ndaj Tiranës.
Ekipi nga Vlora vazhdon të shtojë sukseset në arritjet e tij, duke fituar këtë trofe vetëm pak ditë pasi kishte siguruar edhe Kupën e Federatës. Me këtë rezultat, Flamurtari pasuron koleksionin dhe e hap sezonin e ri me një tjetër sukses të rëndësishëm.
Gjatë takimit me Tiranën, skuadra vlonjate kontrolloi lojën, dhe në fund të sfidës ngriti lart kupën e Superkupës, duke sjellë një tjetër trofe në qytetin bregdetar.
Kësisoj, Flamurtari e nis sezonin me dy tituj të fituar brenda një periudhe të shkurtër, duke dëshmuar aspiratat për të kryesuar basketbollin shqiptar të femrave.
