Lahuta smart – një format inovativ ringjall instrumentin tradicional.
Për herë të parë në historinë e folklorit muzikor shqiptar, lahuta, simboli i fuqishëm i identitetit dhe trashëgimisë sonë kulturore, po përfshihet në një epokë të re, ku tradita ndërthuret me përparimet teknologjike dhe risitë moderne.
Majlinda Laçaj, përgjegjëse e muzeut historik të Shkodrës, shpjegon më gjerësisht projektin, duke theksuar se ai nuk ndikon tek elementet kombëtare të lahutës.
Laçaj shton se ky projekt është frymëzuar nga shqetësimet e artistëve të Shkodrës, të cilët kanë ngritur alarmin për rrezikun e harrimit të vlerave kombëtare.
Iniciativa ka për synim të mbrojë autenticitetin, identitetin dhe veçoritë e lahutës, ndërsa i ofron mundësi të reja inovacionit, krijimtarisë dhe brezave të rinj.
