Një mesazh i dyshimtë, që përdor emrin e Raiffeisen Bank, po u dërgohet qytetarëve me pretendimin se duhet të përditësojnë të dhënat e tyre personale përmes një lidhjeje.
SMS-ja vjen nga numri i huaj +358 41 3128170 dhe i orienton marrësit drejt një linku ku kërkohet plotësimi i informacioneve personale.
Dyshohet se bëhet fjalë për një skemë mashtrimi online të njohur si phishing, që synon të përvetësojë të dhëna personale dhe bankare të qytetarëve.
Qytetarët këshillohen të mos hapin lidhjen dhe të mos vendosin të dhëna personale, fjalëkalime apo informacione të kartave bankare. Mesazhi duhet të fshihet dhe të raportohet si i padëshiruar.
Për të shmangur rënien pre e këtyre skemave, këshillohet që çdo kërkesë për përditësimin e të dhënave bankare të verifikohet vetëm përmes kanaleve zyrtare
të bankës.
