Një zjarr ka shpërthyer mbrëmjen e sotme pranë fshatit Borizanë në zonën e Krujës, duke përfshirë sipërfaqe me pemëtari.
Forcat zjarrfikëse të Krujës ndodhen aktualisht në terren, duke punuar për të izoluar dhe shuar flakët, me synim të ndalojnë përhapjen e zjarrit në zona të tjera.
Nuk janë bërë ende të ditura arsyet që çuan në shpërthimin e zjarrit në Borizanë.
Gjatë gjithë ditës së sotme, në rajonin e Krujës janë regjistruar disa vatra zjarri, duke vënë në gatishmëri ndërhyrjen e zjarrfikësve për t’i neutralizuar ato.
