Spitali i Shkodrës ka pritur fluks të lartë vizitash gjatë verës, teksa sipas mjekëve patologjitë kryesore kanë qenë ato nga aksidentet rrugore. Shefi i urgjencës Ardian Dajti tregon se në Shkodër është regjistruar më shumë se një aksident në ditë, ndërsa numër i madh prej pacientëve kanë qenë turistë të huaj.
Sezoni veror ka prodhuar një fluks vizitash në repartin e urgjencës në spitalin rajonal të Shkodrës. Një gjë e tillë pohohet nga shefi i këtij reparti, mjeku Ardian Dajti.
Ai tregon se aksidentet kanë qenë të shumta, teksa në ditë janë regjistruar deri në 220 vizita. Sipas tij, sezoni veror ka qenë më i ngarkuari në vitet e fundit, për sa i përket numrit të vizitave.
Mjeku tregon se turistët e huaj kanë qenë pacientët kryesorë në urgjencën e spitalit të Shkodrës.
