Ish-kryeministri i Kosovës, Ramush Haradinaj, ka kaluar këtë të dielë duke u ngjitur në bjeshkë, një aktivitet që e ka ndarë me ndjekësit e tij në “Facebook”. Në video, Haradinaj tregon se ka arritur majën e Rupës.
Deputeti i Aleancës shfaqet në pamje i rrethuar nga një grup të rinjsh. Gjatë ngjitjes, ai mban një flamur të UÇK-së, ku lexohen fjalët “Heronj të luftës”. Pranë logos së UÇK-së në flamur janë vendosur fotografitë e Hashim Thaçit dhe Kadri Veselit.
Ndërkohë, për mbrëmjen e së dielës është paralajmëruar një tjetër tubim në sheshin “Skënderbeu” në Prishtinë. Qytetarët do të mblidhen atje për të protestuar kundër vendimit të Gjykatës Speciale në Hagë, e cila ka dënuar ish-krerët e UÇK-së me një total prej 81 vitesh burg.
