Rritja e çmimeve të fruta-perimeve në Markatën e Rusit në Shkodër po rëndon gjithnjë e më shumë buxhetin e familjeve. Qytetarët, veçanërisht pensionistët, thonë se çmimet janë bërë të papërballueshme, ndërsa të ardhurat e tyre nuk janë në të njëjtin nivel me koston e jetesës.
Çmimet e fruta-perimeve në Markatën e Rusit në qytetin e Shkodrës kanë shënuar rritje, duke e bërë gjithnjë e më të vështirë përballimin e shpenzimeve për qytetarët, të cilët pohojnë se janë të papërballueshme. Sipas tyre, çmimet janë rritur shumë, ndërsa pagat dhe pensionet që marrin nuk janë në të njëjtin nivel me koston e produkteve, ndaj përballimi i jetës po bëhet gjithnjë e më i vështirë.
Kategoria më e prekur janë pensionistët, të cilët e kanë shumë të vështirë përballimin e jetesës në kushte të tilla.
