Shkolla 9-vjeçare “Migjeni” në Pukë po i nënshtrohet një procesi rikonstruksioni, me synim përmirësimin e kushteve dhe krijimin e një mjedisi më të përshtatshëm për nxënësit dhe stafin arsimor. Në kuadër të projektit, kryetari i Bashkisë Pukë, Rrok Dodaj, së bashku me zv.kryetarin Ferit Ringaj dhe inxhinierin hartues të projektit, Lavdrim Brukaj, inspektuan nga afër ecurinë e punimeve.
Gjatë vizitës u vlerësua situata në kantier, si dhe cilësia e punimeve të realizuara deri në këtë fazë.
Rikonstruksioni pritet të sjellë një tjetër standard të infrastrukturës shkollore për nxënësit e shkollës “Migjeni”.
