Futbollisti me origjinë shkodrane, Bryan Gruda, është përfshirë në listën e grumbullimit të kombëtares gjermane, duke marrë kështu një ftesë për të qenë pjesë e përfaqësueses së Gjermanisë.
Federata Gjermane e Futbollit ka publikuar listën e lojtarëve të grumbulluar, ku emri i Grudës është mes 44 futbollistëve të përzgjedhur. Megjithatë, ai nuk pritet të jetë në dispozicion për sfidat e para, pasi DFB e ka ndarë grupin në dy lista.
24 futbollistë do të jenë pjesë e skuadrës për ndeshjet e shtatorit, ndërsa 20 të tjerë, mes tyre edhe Gruda, do t’i bashkohen përfaqësueses në një fazë të mëvonshme. Kjo nënkupton se futbollisti shkodran pritet të jetë pjesë e Gjermanisë për ndeshjet e muajit tetor.
Në kalendarin e përfaqësueses gjermane janë përballje të rëndësishme në kuadër të Nations League, me Holandën, Greqinë dhe Serbinë.
Ftesa e Gjermanisë përbën një tjetër moment të rëndësishëm në karrierën e Bryan Grudës, i cili tashmë e sheh veten pranë nivelit më të lartë të futbollit ndërkombëtar.
Me përfshirjen në grumbullimin e Gjermanisë, duket se mbyllet edhe mundësia që Gruda të zgjedhë në të ardhmen përfaqësuesen shqiptare.
