Historia e Zojës së Këshillit të Mirë, një prej figurave më të rëndësishme të traditës fetare shqiptare, është sjellë në ekran përmes dokumentarit “Përtej murit”, me regji të Gjon Kolndrekajt. Filmi u prezantua në Festivalin e Venecias dhe trajton historinë gati 600-vjeçare të ikonës, si dhe lidhjen e saj me Shkodrën dhe Genazzanon në Itali.
Sipas traditës, ikona u largua nga Shkodra dhe mbërriti në Genazzano, duke u kthyer ndër shekuj në një simbol të lidhjes shpirtërore mes shqiptarëve dhe italianëve. Në dokumentar përfshihet edhe dëshmia e Arqipeshkvit të Shkodër-Pultit, Imzot Giovanni Peragine, i cili sjell një tjetër këndvështrim mbi historinë dhe rëndësinë e Zojës së Këshillit të Mirë.
