Teatri Migjeni ka publikuar kalendarin artistik për muajin maj, me një program të pasur që përfshin komedi, shfaqje për fëmijë, koncert operistik dhe festival këngësh.
Muaji nis me komedinë “Familja Astari”, e cila do të ngjitet në skenë në datat 8, 9 dhe 10 maj. Më pas, në datat 11, 12, 13, 14 si dhe 16 e 17 maj, do të shfaqet për fëmijë “Offline për një ditë”.
Në 15 maj publiku do të ketë mundësinë të ndjekë koncertin operistik “Udhëtim në Opera”, ndërsa në datat 20, 21, 22 dhe 23 maj do të zhvillohet çmimi “Pjetër Gaci”.
Programi vijon në datat 26 dhe 27 maj me komedinë “Gomerët e Trojeve”, ndërsa muaji mbyllet me Festivalin Mbarëkombëtar të Këngës për Fëmijë, që do të mbahet më 30 dhe 31 maj.
