Katër persona janë vënë në pranga nën dyshimet për vrasje, pasi një foshnjë tre muajshe humbi jetën teksa ishte me familjen në kamping në Staffordshire.
Policia njoftoi se u informua për incidentin të shtunën rreth orës 8:45 të mëngjesit, kur njoftuan se një foshnjë kishte pësuar arrest kardiak. Në vendngjarje mbërriti edhe një helikopter ambulancë, por mjekët konstatuan vdekjen e të miturës aty për aty.
Sipas Policisë së Staffordshire, efektivët u nisën drejt një zone pylli pranë Strawberry Lane, afër Great Wyrley, ku ndodhi ngjarja, dhe arrestuan katër persona të dyshuar për vrasje.
Personat e ndaluar janë një burrë 42-vjeçar dhe një grua 30-vjeçare nga jugu i Staffordshire, një grua 20-vjeçare nga Wolverhampton si dhe një burrë 18-vjeçar nga Walsall. Autoritetet informuan se të katërtit janë liruar me kusht teksa vijojnë hetimet për rastin.
