Sot vendi ynë pritet të ndikohet nga kushte atmosferike të qëndrueshme, me mot që do të karakterizohet nga alternime kthjellimesh dhe vranësirash.
Vranësirat do të jenë herë pas here mesatare dhe kalimtare, kryesisht përgjatë zonave kodrinore dhe malore.
Era do të fryjë nga verilindja në veriperëndim me shpejtësi mesatare rreth 7 m/s. Përgjatë vijës bregdetare, veçanërisht në jugperëndim, si dhe në zonat luginore, era pritet të forcohet, duke arritur shpejtësinë deri në 16 m/s.
Në det pritet të ketë valëzim të forcës 2-4 ballë.
