Pak ditë para rikthimit të nxënësve në banka për vitin shkollor 2026–2027, në Shkodër kanë nisur përgatitjet për organizimin dhe mbarëvajtjen e procesit mësimor.
Zyra Vendore e Arsimit Parauniversitar Shkodër ka zhvilluar një takim me strukturat përgjegjëse, ku në qendër të diskutimeve kanë qenë masat që duhen marrë për një nisje të rregullt të vitit të ri shkollor.
Gjatë takimit është diskutuar mbi gatishmërinë e institucioneve arsimore, koordinimin mes strukturave dhe ndarjen e përgjegjësive, me qëllim që problematikat të adresohen në kohë dhe procesi mësimor të nisë pa pengesa.
Drejtoresha e ZVAP Shkodër, Brisela Kadia, ka vënë theksin te nevoja për bashkëpunim institucional dhe angazhim të përbashkët për krijimin e një mjedisi të sigurt dhe cilësor për nxënësit.
“Një fillim i mbarë kërkon bashkëpunim, koordinim dhe përgjegjshmëri nga të gjitha strukturat”, është shprehur Kadia.
