Banorët e lagjes Serreq në Shkodër janë përballur sërish me mungesën e ujit të pijshëm. Në një ditë me temperatura që kanë arritur rreth 37°C, furnizimi me ujë është ndërprerë prej afërsisht 30 minutash, pa një njoftim paraprak për qytetarët.
Kjo situatë nuk është e re për banorët e zonës, të cilët thonë se ndërprerjet janë të shpeshta. Shqetësim mbetet edhe mungesa e informacionit lidhur me shkakun e ndërprerjes dhe kohën kur pritet të rikthehet furnizimi.
Pse ndërpritet uji pa u informuar më parë banorët? Dhe a po funksionon siç duhet sistemi i furnizimit pas ndërhyrjeve të fundit?
Në ditë me temperatura të larta, mungesa e ujit të pijshëm kthehet në një problem serioz për familjet.
