Ka nisur në Gjykatën e Posaçme kundër Korrupsionit dhe Krimit të Organizuar (GJKKO) seanca gjyqësore për caktimin e masës së sigurisë ndaj Ergys Agasit, por procesi është pezulluar përkohësisht me kërkesë të mbrojtjes.
Avokati mbrojtës i Agasit, Maks Haxhia, i ka kërkuar trupit gjykues shtyrjen e përkohshme të seancës me qëllim që të ketë kohën e nevojshme për t’u njohur me materialet dhe provat e dosjes hetimore të paraqitura nga SPAK.
Pas shqyrtimit të kërkesës, gjykata vendosi ta ndërpresë procesin për dy orë. Seanca në GJKKO pritet të rifillojë pas këtij afati për të dëgjuar pretendimet e palëve dhe për të dhënë vendimin mbi masën e sigurisë.
