Është identifikuar personi që humbi jetën në aksidentin e rëndë detar të ndodhur në zonën e Rënës së Hedhur, në Shëngjin.
Viktima është Klaus Gjergji, i cili ndodhej në një prej dy mjeteve lundruese që u përplasën me njëri-tjetrin.
Si pasojë e përplasjes, Gjergji ka humbur jetën, ndërsa një person tjetër ka mbetur i plagosur rëndë.
Në vendngjarje kanë mbërritur shërbimet e emergjencës, ndërsa autoritetet vijojnë veprimet për zbardhjen e plotë të rrethanave të aksidentit.
Policia dhe autoritetet detare kanë nisur hetimet për të përcaktuar shkaqet e përplasjes së dy skafeve.
