Një zjarr i fuqishëm ka përfshirë masivin pyjor mbi qytetin e Milotit, në territorin e Bashkisë Kurbin, duke shkaktuar alarm për shkak të përhapjes së shpejtë të flakëve.
Terreni i ashpër dhe bimësia e dendur po kontribuojnë në avancimin e zjarrit, teksa tymi dhe flakët janë afruar rrezikshëm pranë zonave të banuara, duke vënë në rrezik banorët dhe objektet e vendosura aty pranë.
Forcat zjarrfikëse të Bashkisë Kurbin janë të pranishme në terren, të asistuara nga ekipet e Lezhës dhe Kamzës si edhe struktura të tjera të emergjencave civile. Ato po përpiqen të izolojnë dhe të shuarin flakët.
Prefekti i Lezhës, Taulant Malshi, i cili ndodhet në vendngjarje, deklaroi se ka filluar ndërhyrja nga ajri. Sipas tij, “terrenti është tepër i vështirë”, ndërsa “prania e dendur e bimësisë po favorizon përhapjen e shpejtë të zjarrit, veçanërisht në zonën pranë banesave”.
Ndërkohë, forcat zjarrfikëse në terren vazhdojnë përpjekjet për të mbajtur nën kontroll situatën dhe për të parandaluar përhapjen e flakëve në drejtim të zonave të banuara.
