Pas koncertit të Aurela Gaçes dhe Luiz Ejllit në Bushat, fusha e futbollit është gjetur e mbushur me mbeturina dhe shishe të thyera.
Hapësira, e cila përdoret çdo ditë për stërvitjen e dhjetëra fëmijëve, është lënë në një gjendje problematike pas zhvillimit të aktivitetit.
Shqetësimin e ka bërë publik presidenti i klubit Basania, Ermir Shimaj, i cili ka denoncuar situatën dhe ka kërkuar ndërhyrje për pastrimin e fushës.
“VANDALIZËM! Aty ku stërviten me dhjetëra fëmijë”, shkruan Shimaj, duke ngritur alarmin për rrezikun që paraqesin veçanërisht shishet e thyera për fëmijët që përdorin fushën.
Tashmë pritet që hapësira sportive të pastrohet dhe të rikthehet në kushtet e duhura për stërvitjet.
