Një aksion i befasishëm është duke u zhvilluar pasditen e kësaj të mërkure, në burgun e Fushë-Krujës.
Sipas informacioneve, rreth 10 furgona me forca të DAP kanë mbërritur në ambientet e institucionit dhe kanë rrethuar godinën, ndërsa kanë nisur kontrolle të imtësishme në të gjitha hapësirat e burgut.
Operacioni është ende në zhvillim dhe deri më tani nuk ka informacion zyrtar nëse janë sekuestruar sende të kundërligjshme apo njësoj si operacionet e tjera ku u sekuestruan thjesht disa televizorë.
Autoritetet pritet të japin detaje të mëtejshme në vijim lidhur me rezultatet e këtij aksioni.
