Dy persona janë lënduar nga djegiet që kanë pësuar pas shpërthimit të motorit të një skafi në Porto Palermo. Sipas të dhënave të para, mendohet se një sasi benzine ka shpërthyer duke shkaktuar plagë tek të dy të dëmtuarit.
Burime paraprake bëjnë me dije se të plagosurit kanë marrë djegie të shumta në pjesë të ndryshme të trupit dhe janë transportuar për ndihmë mjekësore.
Shërbimet përkatëse kanë shkuar në vendin e ngjarjes dhe po punojnë për të sqaruar plotësisht shkaqet dhe rrethanat e shpërthimit.
