Paulin Luli, ish-kandidat i Partisë Socialiste për deputet në Qarkun Shkodër në zgjedhjet parlamentare të vitit 2017, ka dalë publikisht kundër projektit për shkrirjen e Bashkisë Fushë-Arrëz.
Në fjalën e mbajtur para qytetarëve, Luli artikuloi kritika të forta ndaj qeverisë dhe kryeministrit Edi Rama. “Poshtë qeveria e korruptuar bashkë me Edi Ramën. Rama, jep dorëheqjen”, u shpreh ai.
Më tej, ish-kandidati socialist tha se ndien detyrim t’u kërkojë ndjesë qytetarëve nëse në të kaluarën u ka kërkuar votën për Edi Ramën. “Ju kërkoj falje nëse ju kam kërkuar votën për Edi Ramën, por ai nuk e ka merituar dhe nuk e meriton. Nëse ka një tradhtar të Shqipërisë, ai është Edi Rama”, deklaroi Luli.
