Një i ri me prejardhje afrikane ndërroi jetë të premten në mëngjes gjatë përpjekjes për të hyrë në enklavën spanjolle të Ceutës nga Maroku, duke përdorur një parashutë.
Incidenti ndodhi rreth orës 08:00, kur i riu ra në det teksa përpiqej të kapërcente kufirin. Autoritetet lokale e gjetën atë pa ndjenja dhe nisën menjëherë procedurat e reanimimit, por pa mundur të shpëtojnë jetën e tij.
Sipas të dhënave, kjo është hera e parë që regjistrohet një vdekje e një emigranti që synon të hyjë në Ceuta nëpërmjet kësaj teknike.
Autoritetet spanjolle njoftojnë se rreth 80 emigrantë kanë humbur jetën gjatë krizës së emigracionit në Ceuta. Dy të tjerë, shtetas nga Afrika Sub-Sahariane, u ndanë nga jeta në muajin korrik gjatë tentativave për të hyrë në enklavë me të njëjtën metodë.
Përdorimi i parashutave është shfaqur kohët e fundit si një mënyrë e re dhe jashtëzakonisht e rrezikshme për emigrantët që synojnë të arrijnë territorin spanjoll. Që nga tetori i vitit 2025, kur u regjistrua për herë të parë një kalim i suksesshëm me këtë mënyrë, autoritetet kanë raportuar edhe dy raste të tjera të ngjashme të përfunduara me sukses.
