Pesë kandidatë kanë shprehur interes për pozicionin e Prokurorit të Përgjithshëm.
Lista aktuale e kandidatëve përfshin Fatjona Memçaj, Arta Marku, Rovena Zoto, Adnan Xholi dhe Ylli Pjetërnikaj. Ndërkohë, Kreshnik Ajazi, që kishte dorëzuar fillimisht dokumentacionin pranë KLP-së, është tërhequr më pas nga procesi i përzgjedhjes.
Procesi i aplikimit për këtë post nisi më 3 korrik, duke u lënë prokurorëve një periudhë prej 30 ditësh për të dorëzuar kandidaturën e tyre. Afati përfundimtar ishte 1 gusht, ora 00:00.
Gara për Prokuror të Përgjithshëm u hap nga Këshilli i Lartë i Prokurorisë pasi mandati i tanishëm i Olsian Çelës përfundon në dhjetor të këtij viti. Mandati për këtë detyrë zgjat shtatë vjet dhe parashikohet të jetë i pakthyeshëm, pa mundësi rikandidimi.
Më 29 korrik, kandidaturës iu bashkua edhe prokurori aktual i SPAK, Adnan Xholi, duke qenë i pari që dorëzoi dokumentacionin për pjesëmarrje në këtë proces.
