Fluks i shtuar udhëtarësh dhe automjetesh është regjistruar këtë të martë në Pikën Kufitare të Morinës, ku janë krijuar radhë të gjata mjetesh në drejtim të Shqipërisë.
Ndryshe nga flukset që zakonisht shënohen gjatë fundjavave, këtë herë ngarkesa në kufi është e lartë edhe në një ditë të zakonshme.
Pjesë e konsiderueshme e udhëtarëve janë emigrantë nga Kosova që kanë ardhur për pushimet verore dhe po vijojnë udhëtimin drejt destinacioneve turistike në bregdetin shqiptar.
Me intensifikimin e sezonit turistik, aksi Kosovë–Shqipëri vijon të përballet me një qarkullim të lartë automjetesh, duke sjellë pritje dhe vonesa në pikën kufitare
