Problemet me rrugën e Vuklit vijojnë të shqetësojnë banorët e zonës. Segmenti i ndërtuar nga kompania “Vëllezërit Hysa” është denoncuar prej muajsh për problematika të cilësisë, veçanërisht në hyrje të Tamarës dhe pranë zonës së Kozhnjës.
Banorët thonë se në disa pjesë të rrugës situata është përkeqësuar, duke krijuar rrezik për lëvizjen e automjeteve dhe këmbësorëve.
Ndërsa kërkesat për përgjegjësi janë drejtuar ndaj kompanisë që ka realizuar punimet, ajo që bie në sy është mungesa e një reagimi publik nga Bashkia Malësi e Madhe.
Ndërkohë, administratorja e Kelmendit, Florida Peraj, ka përcjellë zyrtarisht shqetësimin pranë institucioneve qendrore, duke kërkuar ndërhyrje për problematikën e konstatuar.
Por pyetjet mbeten:
• Pse Bashkia nuk ka dhënë ende një përgjigje për shqetësimet e banorëve?
• A është marrë zyrtarisht në dorëzim rruga dhe, nëse po, a janë konstatuar mangësitë?
• Kush mban përgjegjësi nëse punimet nuk përmbushin standardet e kërkuara?
• Çfarë masash do të merren për të garantuar sigurinë e qytetarëve?
Banorët kërkojnë jo vetëm ndërhyrje, por edhe transparencë mbi mënyrën se si është realizuar dhe administruar ky investim.
Burimi: Zani i Veriut
