Në mbrëmjen e sotme, një aksident i rëndë rrugor ka ndodhur në aksin Peqin–Elbasan, pranë fshatit Murras.
Burime të para raportojnë se në incident janë përfshirë tre automjete, ndër to edhe një furgon. Deri tani, nuk janë dhënë informacione zyrtare lidhur me të lënduarit apo gjendjen e tyre shëndetësore. Përplasja ka sjellë bllokim të qarkullimit në këtë rrugë, duke shkaktuar pritje të gjata për automjetet në të dy krahët.
Policia ka mbërritur në vendngjarje dhe po kryen hetimet për të zbuluar shkaqet e aksidentit, teksa po punon edhe për rikthimin e qarkullimit normal. Autoritetet pritet të japin një deklaratë zyrtare me detaje të mëtejshme në lidhje me ngjarjen.
