Aktori i njohur i humorit, Sejfulla Myftari, i njohur për publikun si ‘Cekja i Beratit’, është përfshirë në një aksident rrugor në aksin Gjirokastër–Tepelenë, pranë kthesës së fshatit Hormovë.
Automjeti tip "Mercedes-Benz", me të cilin udhëtonte Cekja, është përplasur me një automjet tip "Ford", që drejtohej nga kleriku bektashian Sheh Ali Hormova.
Sipas raportimeve në media, përplasja nuk ka qenë frontale, duke bërë që të shmangen lëndimet.
Si pasojë e aksidentit janë regjistruar vetëm dëme materiale, ndërsa të dy drejtuesit e mjeteve kanë dalë pa lëndime.
Në vendngjarje ndodhen shërbimet e Policisë Rrugore të Gjirokastrës, të cilat po kryejnë veprimet për zbardhjen e plotë të rrethanave të aksidentit.
